جسمك بيشيل ضغط الحياة في صمت. معايا هتاخد برنامج متكامل: تمرين ونظام غذائي مصمّمين ليك، وتأهيل لو عندك إصابة، ومتابعة يومية لحد ما الرياضة تبقى جزء من حياتك.
أونلاين من أي مكان · وحضوريًا في إسطنبول
لو حاجة من دول معطّلاك، خلّينا نبدأ نحلها سوا.
خسارة وزن من غير حرمان، بأكل بسيط من اللي متاح في بيتك.
زيادة وزن بطريقة صحية، وبناء عضل وقوة حقيقية.
سواء من القعدة الطويلة، أو طبيعة الشغل، أو تمرين غلط.
تأهيل رياضي خطوة بخطوة، لحد ما ترجع للملعب وإنت مطمّن.
لو حاسس إن ضغط الحياة أثّر على جسمك، وعايز تغيّر نمط حياتك.
اتدربت فنون قتالية وكمال أجسام وباورليفتنج وكاليسثنكس، وبختار من كل ده اللي يناسب هدفك في برنامج واحد.
بوصّلك لهدفك بأسلوب بيشجعك مش بيضغط عليك، لحد ما الرياضة تبقى أسلوب حياة مش عبء.
خبرتي في التأهيل والمساج الرياضي وGraston therapy بتخليك تتمرن وإنت مطمّن.
20 دقيقة نتكلم فيها عن هدفك، ويومك، وأي إصابة عندك.
تمرين ونظام غذائي حسب هدفك والأكل اللي بتحبه، في الجيم أو البيت أو الحديقة.
على الواتساب. بتبعتلي فيديو وإنت بتتمرن، وأنا بصحّحلك الأداء.
بنراجع الصور والقياسات، ونطوّر البرنامج حسب تقدّمك.
اختار الباقة اللي تناسبك، وتفاصيل الأسعار هنتكلم فيها على الواتساب.
تمرّن من أي مكان، وأنا معاك كل يوم.
برنامجك وفيديوهات التمارين جاهزين، ومتابعة يومية على الواتساب.
متابعة أقرب، ومكالمة فيديو كل أسبوع.
كل مميزات المتابعة أونلاين، ومعاها مكالمة فيديو أسبوعية نراجع فيها تقدّمك.
تتمرن معايا لايف من أي مكان.
بنتمرن سوا في مكالمة فيديو، وبصحّحلك كل حركة لحظة بلحظة.
معايا في الحديقة، وجهًا لوجه.
في حديقة بيليك دوزو (Beylikdüzü Belediye Parkı).
بمارس الرياضة من 15 سنة من غير انقطاع: فنون قتالية، وكمال أجسام، وباورليفتنج، وكاليسثنكس. ومع كل رياضة كانت بتيجي إصابات، فاتعلمت إزاي أعالج نفسي وأساعد اللي حواليا، واتخصصت في المساج الرياضي والتأهيل، وبالذات Graston therapy اللي فرقت معايا ومع ناس كتير.
وفي نفس الوقت درست علم النفس، واشتغلت في علاج الصدمات والضغط النفسي من خلال الجسم. ومن هنا وصلت لقناعة إن الجمع بين الاتنين هو اللي بيعمل الفرق، لأن الجسم هو اللي بيشيل الضغط النفسي في صمت.
عشان كده جمعت كل ده في برنامج واحد متكامل: تغذية، وتدريب، ووقاية من الإصابات، وتأهيل لأي حد عنده إصابة رياضية، أو أثّر ضغط الحياة على جسمه من غير ما ياخد باله.
كل نتيجة هنا منشورة بموافقة صاحبها، وبالطريقة اللي اختارها.
الهدف: زيادة الوزن وبناء العضلات
إ. ع.
البداية: كان بيعاني من مشاكل في الضهر، ومكانش قادر يعمل ولا عقلة.
والنتيجة كانت واضحة لدرجة إنه رشّحني لناس كتير.
نصايح وتمارين عملية. تابعوني لكل جديد متعلق بصحتكم.
مشاكل الركبة بتبدأ من طريقة الوقوف والقعدة اتفرج على إنستجرام 
فك شد الظهر والأكتاف في 30 ثانية اتفرج على إنستجرام 
شد الكتف والرقبة من المكتب والموبايل اتفرج على إنستجرام 
إزاي الفوم رولر ساعدني مع الانزلاق الغضروفي اتفرج على إنستجرام 
3 أدوات أرخص من جلسة علاج طبيعي اتفرج على إنستجرام 
التمرين اللي معظم الناس بتعمله غلط اتفرج على إنستجرام الأسعار بتختلف حسب الباقة والمدة. ابعتلي على الواتساب وهبعتلك كل التفاصيل.
لا، تقدر تتمرن في أي مكان: في الجيم، أو في البيت، أو في الحديقة. البرنامج بيتصمّم حسب المكان والأدوات المتاحة ليك.
كبداية كفاية جدًا، وهتشوف نتايج حلوة طالما ملتزم.
أغلب العملاء بيلاحظوا فرق واضح خلال أول شهر، حتى في مقاس اللبس، واللي حواليهم بيلاحظوا كمان. والسرعة بتختلف من جسم للتاني.
لا، المكملات اختيارية تمامًا.
لا، الأكل بيكون بسيط ومن الحاجات المتاحة ليك، وعلى حسب الأكل اللي بتحبه.
أكيد، بعد استشارة الدكتور وجلستنا المجانية. ولو عندك ضغط أو سكر أو مشاكل في الهضم أو الغدد، هطلب منك تحاليل الأول. ولو عندك عملية، لازم نرجع للدكتور قبل ما نبدأ.
ده من أكتر الحاجات اللي بشتغل عليها: تأهيل رياضي خطوة بخطوة لحد ما ترجع للملعب. بنحدد الخطة بعد ما أعرف تفاصيل إصابتك في الاستشارة.
بنشتغل على الجسم كله: الصدر والضهر والرجل والبطن، وبنغيّر التمارين حسب هدفك. ولو فيه تمرين صعب عليك، دايمًا فيه بديل أسهل.
أيوه بإذن الله. مع الوقت والمجهود المناسب، هتعملها أسرع مما تتخيل.
الصور الأسبوعية بتساعدنا نتابع تقدّمك، وبتفضل بيننا. ومفيش أي صورة بتتنشر غير بموافقتك، وبالطريقة اللي تختارها.
الحالة النفسية هي المحرّك الأساسي لكل حاجة في جسمك: حركتك، والحرق، واستجابة جسمك للتمرين والأكل.
تقدر توقّف الاشتراك مؤقتًا للمدة اللي تحتاجها.
هنعمل مكالمة نشوف فيها إيه اللي معطّلك، ونحلّه سوا.
تغيير الميعاد لازم يكون قبلها بـ24 ساعة. ولو حبيت تلغي الاشتراك، بنحسب المبلغ المتبقي ونرجّعهولك.
للرجال والشباب من سن 15 سنة وفوق، وأكبر عميل اتدرب معايا كان عنده 64 سنة.